Кафето е напиток со кој многу луѓе го започнуваат утрото – не буди, влијае на нашето расположение и често е изговор за љубовни, семејни и други состаноци. Еве зошто ни треба кафе и како тоа се поврзува со сексот.
Доколку сте љубители на кафе, не ви се потребни дополнителни причини да уживате во една или повеќе шолји од овој одличен пијалок секој ден.
Кафето е поврзано со сексуалниот нагон и иако не е лек за ниско либидо, една шолја пред секс може да направи разлика.
„Потребни се 15 минути до 2 часа за да се види реакцијата на кафето на телото.
Затоа, времето е важен елемент“, објаснува сексологот и нутриционист Сатори Мадроне.
Ајде да видиме што предизвикува кофеинот во телото и како ќе го подобри вашиот сексуален живот, ако пиете 2-3 шолји дневно.
Кафето го зголемува женското либидо
Според истражувањето спроведено на Универзитетот во Тексас во 2010 година, кофеинот може да влијае на нивото на возбуда.
Како што се зголемува протокот на крв и отчукувањата на срцето, се случуваат промени во пределот на гениталиите.
Сепак, сексот не е само прашање на физичко расположение, туку и ментално.
Еректилната дисфункција е намалена
Истото истражување покажа дека 2-3 шолји кафе дневно помагаат во намалување на машките проблеми, а истовремено го зголемуваат тестостеронот.
Го намалува стресот
Ако пиете кафе во умерени количини, можете да ги намалите негативните ефекти од долготрајниот стрес.
Тоа, пак, значи дека кафето ви помага да се опуштите и да уживате во сексот многу повеќе.
Кафето ги подобрува спортските перформанси
Студија од 2017 година покажа дека велосипедистите кои консумирале кофеин пред трката имале подобри резултати од оние кои пиеле само вода.
Го намалува заморот и ја зголемува способноста за концентрација и внимание.
Сексот не е спорт за освојување медали, но бара физичка издржливост.
