За повеќето луѓе кафето е секојдневна навика, најмногу благодарение на кофеинот, кој е одговорен за подобрување на различните функции на мозокот, вклучувајќи ја меморијата, концентрацијата и нивото на енергија. Но, нутриционистката Нурија Дијанова објасни дека една намирница не оди баш добро со кафето.
Станува збор за кафе и чоколадо.
Кафето со чоколадо, како и со алкохол, помага да се релаксира долниот езофагеален сфинктер, што резултира со горушица, печење и рефлукс на содржината на желудникот во хранопроводникот. Како што вели Нурија, со текот на времето може да дојде до воспаление на хранопроводникот.
– Еспресото е поконцентриран пијалок, содржи органски киселини кои го подобруваат процесот на варење, подобро делуваат со желудечниот сок – објаснува докторката и додава дека после неколку минути откако ќе се напиете еспресо, секогаш се зема чаша вода.
Сепак, лекарите предупредуваат дека претераното конзумирање кафе има негативно влијание врз здравјето, пред се на срцевиот мускул, бидејќи пулсот се зголемува по пиењето. Експертите забележуваат дека една или две шолји кафе на ден нема да имаат негативен ефект.
