Метју Пери, актерот кој ја толкуваше улогата на Чендлер Бинг во познатата серија „Пријатели“, почина на 55-годишна возраст, јавува CNN.
Пери починал од задушување во несреќа во неговиот дом во Лос Анџелес, објави Лос Анџелес Тајмс, повикувајќи се на извори од органите на редот.
Итниот повик стигнал околу четири попладне по локално време.
Ние сме уништени од смртта на нашиот драг пријател Метју Пери. Метју беше неверојатно талентиран актер и неотуѓив член на семејството на телевизиската група „Ворнер брадерс“, објави компанијата по повод смртта на актерот.
Пери е роден во американската држава Масачусетс, но во младоста живеел во Канада со својата мајка откако неговите родители се развеле.
Имаше страст за тенисот и стана рангиран играч во Канада, но имаше страст и за актерството.
Неговата најпозната улога беше ликот на саркастичниот Чендлер во серијата „Пријатели“, која започна да се емитува во 1994 година.
Во таа серија, која ги следи животите на група блиски пријатели во Њујорк, Пери глуми заедно со Кортни Кокс, Мет Лебланк, Дејвид Швимер, Џенифер Анистон и Лиза Кудроу.
Улогата на Чендлер му донесе номинација за Еми награда во 2002 година.
