Плутон, господарот на подземјето и трансформацијата, денеска го започна својот ретрограден тек во Водолија и со тоа темпо ќе продолжи до 13 октомври 2024 година. Овој аспект ќе има силно влијание врз Водолијата, Лавот, Бикот и Скорпијата. Во септември и октомври ќе има влијание и врз Јарците, Овенот, Раковите и Вагите.
Ретроградниот Плутон во Водолија е фасцинантен аспект на астролошката анализа. Плутон, планетата на трансформацијата, моќта и длабоките промени, во комбинација со енергијата на неконвенционалната, прогресивна Водолија, носи уникатни настани.
Општествени промени
Водолија е знак кој се занимава со иновации, општествени промени и оригиналност. Кога Плутон оди ретроградно во овој знак, можеме да очекуваме длабоки внатрешни трансформации поврзани со нашата поврзаност со општеството, нашите идеали и начините на кои се чувствуваме поврзани со остатокот од светот.
Оваа позиција може да ги поттикне луѓето да ги преиспитаат своите ставови кон општествените норми и очекувања. Има акцент на потребата од длабоки промени во заедницата и општеството како целина. Ретроградниот Плутон во Водолија може да ги поттикне луѓето да се вклучат во активизам или да се борат за промени кои ги сметаат за суштински за напредокот на општеството.
На индивидуално ниво, оваа позиција може да поттикне личен раст преку интроспекција и длабоко разбирање на сопствените вредности. Можни се длабоки трансформации во начинот на кој поединецот го перцепира своето место во светот и неговите односи со другите.
Конфликти
Сепак, ретроградниот Плутон во Водолија може да донесе и предизвици. Можно е да почувствувате интензивна напнатост помеѓу желбата за лична слобода и потребата за поврзување со другите. Овој аспект може да поттикне конфликти помеѓу традиционалните вредности и прогресивните идеи.
Ретроградниот Плутон во Водолија носи можност за длабоки промени на социјално и индивидуално ниво.
