Дали барате нешто што ќе ве засити додека ќе ви помогне да се изборите со вишокот килограми и ќе ви помогне да согорувате маснотии додека спиете?
Прејадувањето во вечерните часови не е добредојдено, но што ако сте личност која гладува само по паѓање на ноќта. Ако сте од оние луѓе кои навечер со жалење претураат по фрижидерот, тогаш следниов совет добро ќе ви дојде.
Експертите се согласуваат дека не треба да си легнуваме гладни. Што треба да направите ако вашите црева почнат да „завиваат“ навечер? Пробајте закуски богати со протеини, од кои едната е свежото сирење. Студијата на Државниот универзитет во Флорида, објавена во British Journal of Nutrition, покажа дека консумирањето 30 грама протеини приближно 30 минути пред спиење може позитивно да влијае на метаболизмот.
Ако не сте љубител на свежо сирење, не грижете се, има многу други протеински опции, од тофу, до тврдо варени јајца, па дури и грст бадеми. Ова ќе ве држи сити во текот на ноќта, додека храната ви ја дава потребната енергија за зајакнување на метаболизмот и поддршка на согорувањето на мастите.
Бадемите и оревите се одлични опции бидејќи содржат многу добри масти, а исто така се добар извор на протеини и витамини и минерали (витамин Е, селен, магнезиум).
Иако можете да прочитате неколку совети за слабеење на секој чекор, запомнете дека клучот е во урамнотежена исхрана и физичка активност во текот на целата година. Експертите советуваат доволен внес на посни протеини, интегрални житарки и многу зеленчук, кои ќе ве заситат и истовремено ќе помогнат во борбата против килограмите.
