Храната што ја јадеме може сериозно да комуницира со некои надворешни фактори и да ни предизвика големи проблеми во варењето и секојдневното функционирање. Кога временските услови се екстремни, храната може да предизвика и екстремни здравствени реакции.
Со цел да се избегне непријатност и да се обезбеди добро здравје на дигестивниот систем за време на жештините, важно е да избегнувате одредени намирници кои можат да го отежнат процесот на варење. Ова се петте најлоши намирници за варење на горештините.
Прженици
На храната богата со масти, како што се пржената храна, хамбургерите, помфритот и масните месни производи, им треба подолго време за варење. Во топлите денови, кога нашето тело веќе работи со полна пареа за да се олади, овој вид на храна може дополнително да го оптоварува дигестивниот систем и да предизвика непријатност, надуеност и отежнато варење. Наместо тоа, обидете се да јадете полесна и посвежа храна, како што се овошје, зеленчук и посни протеини.
Луто
Зачинетата храна е многу вкусна, но во топлите денови може да го иритира желудникот и да предизвика горушица. Лутите пиперки, чили, кари или лути сосови може да го нарушат варењето и да доведат до непријатност, особено ако сте склони кон стомачни проблеми. Во тој случај дајте им предност на благите и свежи зачини.
Газирано
Газираните пијалоци може да доведат до надуеност и иритација на желудникот. Покрај тоа, тие често содржат големи количини шеќер или вештачки засладувачи кои тешко се варат. Наместо тоа, пијте многу вода, билни чаеви или природни овошни сокови за да останете хидрирани.
Слатко
Сите шеќери имаат лошо влијание врз нашето тело во овие временски услови. На сосема здрави луѓе може да им се случи пад на енергијата и скок на шеќерот во крвта, а можни се и гасови и надуеност. Наместо тоа, одберете некои поздрави грицки како темно чоколадо како и свежо овошје.
Алкохол
Иако многу луѓе уживаат во пивото во текот на летото, алкохолот може да биде штетен за варењето, особено кога температурите се високи. Го дехидрира телото и може да го иритира желудникот, предизвикувајќи тешкотии при варењето. Освен тоа, имајте на ум дека алкохолот често содржи многу калории, што може дополнително да го оптоварува дигестивниот систем. Ако пиете, правете го тоа умерено и секогаш хидратирајте со многу вода.
