Иако многумина очекуваа Даблин да биде градот во кој се консумира најмногу алкохол, истражувањата не го кажуваат тоа. Имено, Прага ја понесе оваа ласкава титула, веднаш по неа е споменатиот ирски град, па Берлин.
Во една неодамнешна студија за дестинациите и „обилното пиење“, туристичката платформа Holidu состави листа на градови со најмногу консумирање алкохол.
Ова рангирање се заснова на бројот на достапни активности доцна навечер во градот и процентот на алкохоличари кои имале „тешка сесија“ во последните 30 дена. Студијата посочува дека дури 81,3 отсто од ирското население пие алкохол, што е највисок процент од која било анализирана земја. Но, оваа информација не му „значеше“ на градот Даблин дека ќе го освои првото место. Единствениот град кој го победи беше Прага, каде локалното население консумира најмногу пијалоци по глава на жител во светот со околу 481 пиво по лице.
Речиси 19 проценти од препораките поврзани со „што да се прави во Прага“, според веб-страницата Trip Advisor вклучуваат алкохол – од посета на пабови до средновековни коктел барови.
Берлин е рангиран на третото место, а студијата истакнува дека четворица од пет Германци пијат алкохол по просечна цена од 4,52 евра за литар.
Сепак, британскиот сајт истакнува дека Даблин можеби неправедно го загубил првото место бидејќи главниот град на Република Ирска има многу атракции поврзани со алкохолот.
