Директорот на нуклеарната централа Запорожје во Украина, Игор Мурашов, кој неодамна беше уапсен во, како што сметаше Украина, терористички чин од Русија, а потоа беше ослободен, нема да се врати на својата работа во нуклеарната централа – изјавиле денеска од Меѓународната агенција за атомска енергија МААЕ (IAEA).
– МААЕ разбира дека господинот Мурашов сега е со своето семејство на територијата контролирана од Украина и дека нема да продолжи со своите должности – се вели во соопштението на МААЕ.
Од МААЕ додаваат дека засега не се знае кој ќе го замени Мурасов на позицијата управител на нуклеарната централа Запорожје.
