Само ден по масовното убиство во основно училиште во Белград, синоќа се случи уште едно масовно убиство. Напаѓачот У.Б. најпрвин пукал во селото Дубона, потоа во Мали Орашје и селото Шепшин кај Младеновац. Осум лица загинаа, а 14 се ранети. Најмладиот починат е роден во 2008 година. Меѓу жртвите има и полицаец, кој во тој момент не бил на должност, и неговата сестра.
Најверојатно станува збор за терористички чин, соопшти МУП. Рано утринава почна физичкиот претрес на теренот во потрага по напаѓачот, а тој е уапсен околу осум часот во близина на Крагуевац, во населбата Грошница, потврдија од Министерството за внатрешни работи на Србија.
Од осумтемина повредени во престрелката кај Младеновац, кои се сместени во Ургентниот центар, двајца се во тешка состојба со прострелни рани во пределот на стомакот. Еден од осумте пациенти немал оштетување на внатрешните органи, додека двајцата тешко повредени се примени во болницата „Драгиша Мишовиќ“ каде отсега ќе се превезуваат пациентите ранети кај Младеновац.
Во болницата во Смедерево се префрлени 10 ранети, од кои четворица пристигнале без знаци на живот, од кои најмладиот е 2008 година. Зад Смедерево двајца се упатени во КБЦ „Драгиша Мишовиќ“, а тројца се лекувани во Смедерево на одделението за општа хирургија и ортопедија. Едно лице по укажаната помош е пуштено на домашно лекување. Сите оперирани во смедеревската болница во моментов се во стабилна состојба.
