Кина купила повеќе од 80 тони злато од Швајцарија во текот на јули, што е двојно повеќе од јули и дури осум пати повеќе од мај, покажуваат податоците на швајцарската царина.
Увозот на злато во Кина е највисок во изминатите пет години, а експертите веруваат дека ќе продолжат да растат по затишјето поради заклучувањето на Ковид во големите градови.
– Пазарот се уште не е добар, но е многу подобар отколку што беше во април – изјави Никос Кавалис, директор на консултантската компанија „Металс фокус“, пренесува Блумберг.
Цените на кинеското злато имаат премија од околу 7 долари во споредба со меѓународните цени, што ги охрабрува инвеститорите во Кина да го зголемат увозот, за што е потребна државна лиценца.
Глобалните цени на златото паднаа под 1.700 долари за унца во јули, од 2.000 долари колку што било претходната година, бидејќи западните инвеститори почнале да го продаваат поради скокот на каматните стапки.
Кина увезла 818 тони злато минатата година, што е зголемување за 36 отсто во споредба со 2020 година, но сепак малку помалку отколку во периодот пред пандемијата 2019 година, покажуваат податоците на Светскиот совет за злато.
