Денес, на 17 септември, со благодарност и молитва го одбележуваме денот на интронизацијата на Неговото Преосвештенство, Епископот Делчевско-каменички г. Марко, која се случи на 17 септември 2023 година.
На тој свечен ден, со светиот Архиерејски чин, беа поставени темелите на духовното раководење со новоформираната Делчевско-каменичка епархија – една од петнаесетте епархии на Македонската Православна Црква – Охридска Архиепископија.
По повод оваа значајна годишнина, се молиме за здравје, сила и долговечност на нашиот пастироначалник. Му посакуваме изобилна благодат од Бога, мудрост и духовна снага во неговата Архипастирска служба, во водењето на верниот народ и во зачувувањето на нашата света православна вера.
На многаја и благословена лета, Преосвештен Владико!
