Неколку фризури одлично им прилегаат на жените во зрели години и оваа пролет се многу популарни.
Овие фризури се вистинска инспирација, особено за жени во четириесеттите. Доколку наскоро планирате посета на фризер, размислете за некоја од овие фризури, кои совршено прилегаат на жени во зрели години.
Густи шишки
Оваа фризура подмладува, ги прикрива брчките на челото и го освежува лицето, правејќи го да изгледа помладо.
Кратка и разиграна
Оваа фризура изгледа лежерно и опуштено. Лесна е за стилизирање, а изгледа феноменално.
Кратка и мазна
Едноставен, пократко исечен „боб“, кој го истакнува тонусот на лицето и привлекува внимание кон неговите контури.
Оваа фризура е практична и лесна за одржување.
Раздел со страна
Благо виткана или кадрава коса со средна должина и раздел на страна е стил кој одговара на секој облик на лице, а воедно е една од најдобрите фризури за постигнување волумен.
Асиметрична кратка фризура
Популарната „пикси“ фризура е одличен избор доколку сакате да изгледате фантастично. Особено атрактивна е асиметричната варијанта, каде што шишките се подолги на една страна.
Ако преферирате кратки стилови, ова е еден од најдобрите избори за младешки изглед.
Долга коса со шишки
Веројатно веќе знаете дека шишките се „добар пријател“ по четириесеттата година, бидејќи се стил што пркоси на времето.
А за да биде изгледот уште поинтересен и модерен, можете да се одлучите за популарните „завесни“ шишки, кои совршено прилегаат на подолга коса.
