Меркур, планетата на логичното размислување, на 8 јануари ќе го промени знакот и ќе влезе во Јарец, каде што ќе остане до 28 јануари. Меркур во Јарец ќе биде поволен за Јарците, Биковите и Девиците, кои можат да очекуваат позитивни исходи од преговорите.
Меркур во Јарец носи енергија која се карактеризира со практичност, дисциплина и фокусирање на целите. Личностите со оваа поставеност во наталната карта често размислуваат методично и логично, концентрирајќи се на конкретни резултати и остварливи планови.
Нивната комуникација е јасна, промислена и често насочена кон практични теми, а понекогаш може да делува сериозно или дури воздржано.
Одговорност и организација
Овие личности често имаат природна склонoст кон одговорност и често преземаат лидерска улога во интелектуални или професионални ситуации. Нивната аналитичност и способноста да се посветат на детали ги прават одлични планери и организатори. Сепак, понекогаш може да бидат склони кон песимизам или претерана сериозност, што може да ја отежни спонтаноста во секојдневниот живот.
Остварување на плановите
Меркур во Јарец нуди способност идеите и плановите да се претворат во конкретни чекори, но исто така создава тенденција сè да се проценува низ призмата на долгорочна корист. Овие личности често повеќе ја ценат суштината отколку формата, што им овозможува да се фокусираат на она што е навистина важно, занемарувајќи ги небитните детали. Нивниот начин на размислување може да биде традиционален, со акцент на проверени методи и структури.
