Принцот од Велс за време на посетата на болницата разговарал за здравјето на својата сопруга и за прв пат открил како е Кејт Мидлтон.
– Добро е – накратко рекол Вилијам за здравствената состојба на Кејт Мидлтон, пишува Dailymail.
Да потсетиме, во емотивна видео порака, снимена во Виндзор на крајот на март, Кејт Мидлтон откри дека има рак.
– Добро сум и секој ден станувам се посилна, се фокусирам на работи кои ќе ми помогнат да заздравам. Да го имам Вилијам покрај мене е исто така голема поддршка и утеха. Како и љубовта, поддршката и љубезноста што ја покажаа многумина од вас. На двајцата ни значи многу.
Ракот на Кејт беше откриен дури откако таа беше подложена на голема операција на стомакот во клиника во Лондон во јануари. Палатата Кенсингтон соопшти дека нема да споделува детали за тоа каков тип на рак има принцезата или во која фаза е и ги замоли луѓето да не шпекулираат.
– Вилијам е исклучително горд на својата сопруга за храброста и силата што ги покажа не само во времето на приказната за ракот, туку од почетокот на годината. „Сега повеќе од кога било, тој е фокусиран на тоа дека неговата сопруга ја има потребната приватност за целосно да се опорави и дека неговите деца се заштитени“, рече изворот.
Се наведува и дека на двајцата им требало долго време да се соберат и да се соземат од веста, што воопшто не е лесно да се разбере. Исто така, голема задача беше да им ја кажат на своите деца шокантната вест.
