Ако сте љубители на добар тост, тогаш сигурно веќе сте слушнале за Toastly во Лисиче. За само еден месец од отворањето, ова мало место успеа да стане една од најпосетените локации за брз и вкусен оброк, а речиси секој што еднаш пробал – повторно се враќа.
Она што најмногу нè воодушеви е што во Toastly не штедат на квалитет. Тостовите се подготвуваат со квалитетни состојки, а користат и вистински млечен кашкавал, што денес за жал не е секогаш случај. Токму затоа вкусот е богат, полн и се чувствува разликата уште по првиот залак.
Покрај квалитетот, тостовите се богато наполнети, порциите се навистина големи, а комбинациите на вкусови се одлично избалансирани. Не е претерано ако кажеме дека Toastly моментално нуди едни од највкусните тостови во Скопје.
А кога ќе ја видите цената, изненадувањето е уште поголемо. Во време кога цените постојано растат, ретко каде може да добиете толку голем и вкусен тост по толку пристапна цена. Според нас, Toastly моментално нуди едни од најевтините, а воедно и најбогатите тостови во градот.
Не нè чуди што за само еден месец од отворањето направија вистински бум. Добриот глас брзо се шири кога квалитетот е на високо ниво, а задоволните гости најдобро го потврдуваат тоа.
Ако сè уште не сте ги пробале нивните тостови, ова е наша искрена препорака. Веруваме дека ќе разберете зошто Toastly за толку кратко време стана едно од омилените места за тост во Скопје.
