На 8 декември православните христијани го чествуваат празникот на Св. Климент Охридски – Чудотворец, еден од најзначајните светители и просветители во македонската и православната историја.
Св. Климент бил најистакнатиот ученик на светите браќа Кирил и Методиј и е основач на Охридската книжевна школа – првиот словенски универзитет. Неговата мисија била насочена кон ширење на словенската писменост и христијанската вера меѓу словенските народи.
Како прв словенски епископ, тој ги преведувал и преработувал светите книги на разбирлив црковнословенски јазик, со што поставил темели на словенската култура и духовност. Неговата посветеност на образованието и на народното добро му донесе углед на учител, просветител и чудотворец.
Во Македонија, празникот на Св. Климент е симбол на гордост и духовно наследство. Тој се прославува со литургии и молитви, а неговиот живот останува пример за добродетелство и самопожртвуваност.
Чествувајќи го денес, си спомнуваме за неговото огромно влијание врз културниот развој на нашата земја и пошироко, и ја продолжуваме неговата мисија преку чување на нашите вредности и традиции.
