Еден од најпредизвикувачките астролошки настани во 2024 година е ретроградниот Марс, кој денеска пристигнува во огнениот знак Лав и ќе продолжи со тоа темпо до 25. февруари 2025 година. Ретроградниот Марс ќе влијае на сите знаци, но неговото влијание повеќе ќе го почувствуваат Лавовите, Скорпиите, Водолиите и Биковите.
Ретроградниот Марс во Лав носи интензивна енергија и го насочува вниманието кон внатрешни конфликти, преиспитување на желбите и страстите. Марс е планета на акција, иницијатива и борбеност, додека Лавот ја симболизира гордоста, креативноста и потребата за изразување.
Кога Марс е ретрограден во овој знак, енергијата може да стане непредвидлива и да не повлече да се запрашаме како ја користиме нашата сила и волја.
Пречки и одложувања
Оваа позиција може да предизвика фрустрација бидејќи активностите често наидуваат на пречки или одложувања. Во Лав, ретроградниот Марс не соочува со прашања на егото и самодовербата. Можеби чувствуваме дека не сме доволно признати или ценети од другите, што може да поттикне интроспективен процес во кој се фокусираме на она што навистина го сакаме и како можеме да се изразиме на автентичен начин.
Понекогаш овој транзит отвора стари рани поврзани со отфрлање, неуспеси или потиснување на нашите страсти. Тоа е можност да се соочите со тие емоции и да најдете конструктивни начини за канализирање на енергијата. Може да откриеме дека одредени борби што ги водиме внатре се клучни за нашиот личен развој.
Марс во ретрограден Лав може да не поттикне да ги редефинираме нашите цели, начините на изразување и односите со луѓе кои влијаат на нашата перцепција за себе. Кога енергијата конечно ќе се ослободи по завршувањето на ретроградното, можеме да се чувствуваме посилни, посигурни и поподготвени да продолжиме напред со јасност и страст.
