Облеката не го прави човекот, но може да каже многу за него. Изборот на облека може да направи да изгледаме многу елегантно, а од друга страна да изгледаме многу „евтино“ во истата.
Најстрогата модна критичарка Ана Винтур укажуваа на јасно правило кое сите треба да го почитуваме за да не паднеме во замката и да изгледаме одвратно. Сепак, со само неколку правила, секоја комбинација можете да ја подигнете на следното ниво и да изгледате елегантно во секоја прилика.
Носење соодветна облека
Ова е едно од најважните правила, а се сведува на тоа да најдеме облека и стил кои одговараат на обликот на нашето тело. Модните експерти предлагаат да ги користите услугите на кројач доколку сами не можете да ја прилагодите силуетата на одредени парчиња облека.
Облеката со големи димензии може да се коригира со разни појаси и ремени, а ќе изгледа многу модерно и лежерно. Исто така, треба да избегнувате премногу тесна облека бидејќи го истакнува секој дел од телото, особено ако имате прекумерна тежина.
Накит
Накитот секоја комбинација ја издигнува на повисоко ниво, но дефинитивно не треба да претерувате. Доколку не сте сигурни во изборот на накит, водете се од слоганот: „Помалку е повеќе“, што би значело дека подискретниот накит изгледа многу поелегантно.
Инвестирање во добри обувки
Добрите обувки се повеќе од половина од завршената работа, па затоа не треба да жалите кога станува збор за истите. Покрај тоа, тоа е многу исплатлива инвестиција бидејќи можеме да ги носиме многу години, особено ако се квалитетни.
Црна боја
Достапните парчиња во темни бои, особено црната, во повеќето случаи изгледаат многу подобро од сличните парчиња во посветла палета на бои бидејќи помалите недостатоци се помалку забележливи.
Грижете се за состојбата на вашата облека
Излитените чевли, лабавите конци, копчињата на џемперот или дамките на панталоните нема да му дадат скап изглед на никаков стајлинг. Погрижете се сè што носите да изгледа чисто и во добра состојба за да не изгледате евтино.
Потребно е пеглање
Внимавајте работите што ги носите да бидат секогаш пеглани, па ќе изгледате доста поуредно.
Соодветна долна облека
Облеките кои покажуваат градник или гаќички под кошулата и панталоните никогаш нема да резултираат со скап впечаток, затоа погрижете се силуетата на аутфитот да не ја „узурпира“ она што го носите одоздола.
