Погледнете го вашиот кујнски сунѓер – што очекувате да прави секој ден, цел ден? Ги чисти садовите, се разбира, но веројатно чисти и трошки од масата, а понекогаш вади чоколадо или желе од садовите, играчките, подот, креветот…
Но, мислите дека додека ги миете сите тие други работи со сапун, детергент и топла вода, се пере и самиот сунѓер, нели? Па, не баш, поточно никако.
Бактериите се кријат во сунѓерот
Сите тие мали дупки во сунѓерот може да содржат храна и бактерии, а топлата вода може да им помогне да растат. Една студија објавена во списанието „Scientific Reports“ открила до 45 милиони бактерии во 1 квадратен сантиметар од кујнски сунѓер.
Тие 45 милиони се составени од 362 различни видови бактерии, иако повеќето од нив не се видови на бактерии кои ги разболуваат луѓето.
Друга студија на Националната санитарна фондација покажала дека 77 проценти од сунѓерите имаат колиформни бактерии, забавно мало семејство на бактерии што ги вклучува салмонелата и ешерихија коли.
Кога е време да го фрлите сунѓерот?
Повеќето експерти, вклучувајќи ја и Марта Стјуарт, советуваат да го фрлите кујнскиот сунѓер по една недела – најмногу до две недели.
Како да знаете дали вашиот сунѓер треба да оди во ѓубре? Лесно: погледнете и мирисајте. Ако можете да видите или мирисате парчиња храна, или остатоци од излевање што сте го исчистиле претходниот ден (или една недела претходно), тој сунѓер мора да се замени односно фрли.
