Овој рецепт е многу здрав, богат со хранливи состојки, кој ќе ви ја даде потребната енергија за да го издржите напорниот ден.
Содржи големи количества на протеини, минерали, калиум, магнезиум, фосфор, манган, бакар и цинк.
Ако редовно го конзумирате, може да ви помогне во намалување на холестеролот, го спречува појавувањето на рак на дебелото црево, претставува и добар лек против опстипација, а многу е корисен и за дијабетичарите.
Потребни состојки:
1/2 чаша овесни снегулки
1 чаша млеко или вода
1 зрела банана
1 лажица лимонов сок
1 кива (исечена на кришки)
малку сол
Начин на подготовка:
Водата или млекото стоплете ги во сад на оган, додајте ги овесните снегулки, а потоа намалете ја температурата на ринглата. Банатата испасирајте ја, а потоа додадете ја во садот, и промешајте.
Кога ќе забележите дека течноста почнува да испарува, додадете го лимоновиот сок и солта.
Кога доволно ќе се згусне (според ваш вкус), тргнете ја од оган, и сервирајте ја кашата декорирана со киви.
На здравје!
