Сонцето во Овен претставува силна, огнена и енергична природа. Како планета на виталноста, Сонцето влегува во Овен на 20 март, означувајќи го почетокот на сезоната на овој динамичен знак. Овој период ќе биде особено поволен за Овните, Стрелците и Лавовите.
Оваа поставеност носи храбри, одлучни и често импулсивни личности, кои не се двоумат да преземат иницијатива. Нивната енергија е насочена кон акција, предизвици и освојување нови територии, без разлика дали станува збор за бизнис, лични цели или љубовни потфати.
Нов почеток
Припадниците на овој знак често се пионери во своите области – неустрашиви и подготвени на ризик. Имаат изразен натпреварувачки дух и сакаат да бидат први во сè што прават.
Нивниот внатрешен оган гори силно, но понекогаш може да биде нагол и непредвидлив, што ги прави нетрпеливи и склони кон нагли реакции. Искреноста им е една од главните карактеристики, но често не внимаваат како нивните зборови влијаат врз другите, па можат да делуваат грубо или премногу директно. Овенот е симбол на почетокот, па луѓето со Сонце во овој знак сакаат да иницираат проекти, но може да им биде тешко да ги завршат доследно.
Брзи резултати
Тие се страсни, полни со ентузијазам и нивната спонтаност ги прави интересно и инспиративно друштво. Сепак, можат да имаат проблеми со трпението и долгорочното планирање, бидејќи секогаш посакуваат брзи резултати.
Кога ќе научат да ја канализираат својата необработена енергија на конструктивен начин, можат да постигнат извонредни нешта. Нивната сила лежи во способноста да се соочат со пречките без страв и секогаш да гледаат напред, без да се осврнуваат на минатото.
