Многумина ја користат за чување плехови, но нејзината вистинска функција е сосема поинаква! Еве како може да ви го олесни готвењето.
Речиси секоја рерна што не е вградена има фиока под долниот дел на вратата, а повеќето домаќинки ја користат за складирање на плехови, капаци и други кујнски алатки. Сепак, вистинската намена на оваа фиока е сосема поинаква и за многумина непозната.
Овој простор, всушност, служи за одржување на температурата на зготвената храна. Кога ќе подготвите оброк, а гостите доцнат или едноставно сакате јадењето да остане топло, доволно е да го сместите во оваа фиока. Благодарение на топлината што доаѓа од рерната, храната ќе ја задржи идеалната температура без да се прегрее или исуши.
Во упатствата за употреба на многу модели рерни, овој дел се нарекува „топла фиока“ и е дизајниран токму за оваа цел. Наместо повторно да ја загревате рерната или да користите микробранова печка, едноставно искористете ја фиоката под рерната за вашата храна да остане топла и свежа подолго време.
Затоа, ако досега сте ја користеле фиоката само за складирање или дури не сте ни знаеле дека може да се отвори – сега е вистинскиот момент да ѝ дадете нова функција и да си го олесните готвењето!
