Полната Месечина нè очекува на 13 април во воздушниот знак Вага и симболизира крај на еден животен циклус. Нејзиното влијание ќе трае две недели, а ќе го почувствуваат сите знаци на Зодијакот. Сепак, некои знаци ќе бидат особено засегнати – Вагите, Раковите, Јарците и Овните треба да се подготват за значајни промени.
Фокус на односите и рамнотежата
Полната Месечина во Вага носи силен фокус на односите, рамнотежата и хармонијата во животот. Вагата е знак на дипломатија, убавина и правда, а кога Месечината е во овој знак во својата полна фаза, ја истакнува потребата за склад во меѓучовечките односи.
Овој период носи преиспитување на врските – без разлика дали се романтични, пријателски или деловни. Луѓето може да станат посвесни за динамиката во своите односи и да забележат нерамнотежа што можеби претходно не ја увидувале.
Потребата за рамнотежа
Енергијата на Полната Месечина ги засилува емоциите, што може да донесе дилеми и внатрешни конфликти поврзани со компромисот и личните граници. Можно е да се јави чувство дека премногу се дава на другите или дека односите станале нерамноправни. Бидејќи Вагата го симболизира партнерството, оваа Полната Месечина може да донесе важни разговори за тоа како да се постигне баланс помеѓу сопствените потреби и потребите на другите. Исто така, може да открие несвесни модели на однесување во љубовта, пријателствата и соработките.
Полната Месечина – време на кулминација
Полната Месечина секогаш означува кулминација, откривање и завршетоци. Во знакот на Вагата, тоа може да значи донесување одлуки во врска со партнерствата – некои односи ќе се зацврстат, додека други може да завршат ако не биле изградени на стабилни темели. Можно е да се јави потреба за затворање едно поглавје и отворање ново, особено ако односите долго време биле во нерамнотежа.
Правда и морални вредности во фокусот
Освен тоа, Вагата е знак на убавина и естетика, па оваа Полната Месечина може да донесе инспирација за уметничко изразување, уредување на просторот или промени во изгледот. Ќе биде зголемена свеста за тоа што визуелно нè привлекува и што нè прави да се чувствуваме добро. Исто така, правдата и моралните вредности може да бидат во фокусот, поттикнувајќи разговори за коректноста и фер односите во општеството.
Иако Полната Месечина во Вага носи потреба за мир и хармонија, може да предизвика и напнатост ако постои нерамнотежа во некој аспект од животот. Клучот е во пронаоѓањето на златната средина помеѓу личните желби и потребите на другите, помеѓу самостојноста и партнерството. Ова е период кога може да се работи на поставување поздрави граници, подобра комуникација и градење односи засновани на взаемна почит.
