Месечината во Рак е една од најемотивните и најчувствителните позиции во астрологијата. Оваа комбинација носи длабока врска со семејството, домот и внатрешниот свет. Месечината утрово влезе во водениот знак Рак, каде силно ќе влијае на Раковите, Рибите и Скорпиите.
Луѓето со Месечината во Рак често се интуитивни, грижливи и заштитнички настроени кон саканите. Нивните чувства се интензивни и лесно можат да се повлечат во себе кога се чувствуваат повредени или несигурни.
Оваа позиција на Месечината често носи силна емпатија и способност за препознавање на потребите на другите. Луѓето со Месечината во Рак често се добри слушатели и пријатели на кои може да им се доверат тајните. Тие ја ценат традицијата, спомените и често се врзуваат за предмети и спомени од минатото.
Зголемена чувствителност
Сепак, оваа чувствителност може да ги направи ранливи на промени и да имаат потешкотии да се справат со стресни ситуации. Потребата за сигурност и стабилност може да ги наведе да се повлечат во нивната емоционална обвивка кога ќе се соочат со непознати или непријатни ситуации.
Семејна врска
Во љубовта, Месечината во Рак бара длабока емотивна врска и партнер кој ќе ја цени нивната грижа и лојалност. Романтични се и посветени, но можат да станат премногу зависни од партнерот ако не научат да ги балансираат емоциите.
Ова е позиција која ја нагласува важноста на внатрешниот мир и хармонија. Луѓето со Месечината во Рак често наоѓаат утеха во создавањето топол и пријатен дом, каде што ќе се чувствуваат безбедно и сакано.
За потсетување, полна месечина не чека во Рак на 13 јануари.
