Социјалната мрежа TikTok воведува нова функција која веројатно ќе биде многу интересна за многу нејзини корисници.
Најавија дека ќе воведат и можност за објавување текстуални објави.
Целта на оваа новина е да привлече корисници кои можеби бараат алтернатива, откако Twitter се ребрендираше во X, пишува Ројтерс.
– Овој потег претставува проширување на границите на создавање содржина за сите на TikTok – соопштија од компанијата.
Корисниците исто така ќе можат да додаваат обоени позадини, налепници и звук на објавите, а објавите ќе бидат ограничени на илјада карактери.
Порталот „Tech Crunch“ објави дека воведувањето на оваа функција „најверојатно ќе влијае на Twitter(X) и Treds (Threads) на Meta“.
Твитер објави дека нивните приходи од реклами паднале за цели 50 отсто, поради повлекувањето на огласувачите.
Социјалната мрежа Тредс ја користи постоечката база на податоци на Инстаграм и веќе има 100 милиони корисници. Сепак, Форбс објави дека бројот на корисници кои се активни на дневна основа е намален за 70 проценти.
