Кофеинот е најраспространет стимуланс во светот, а природно го има во кафето и чајот, кои се и најчестите извори на кофеин во исхраната на луѓето.
Ако го споредиме односот на кофеинот во кафето и чајот, кафето содржи до три пати повеќе кофеин од зелениот чај. Шолја кафе од 240 милилитри содржи 96 милиграми кофеин, додека истата шолја зелен чај содржи 29 милиграми кофеин.
Кофеинот има бројни корисни ефекти врз здравјето на луѓето, а покрај познатите ефекти, го намалува и ризикот од деменција и други дегенеративни болести. Препорачаниот внес од 400 милиграми кофеин дневно се смета за безбеден за возрасни. Сепак, препорачаната граница паѓа на 100 милиграми дневно за тинејџерите.
Зелениот чај и кафето имаат бројни здравствени придобивки, вклучително и висока содржина на антиоксиданси и помагаат при слабеење. Тие се особено богати со збир на антиоксиданси наречени полифеноли. Тие исто така помагаат во контролата на шеќерот во крвта и здравјето на срцето.
Покрај тоа, зелениот чај содржи амино киселина наречена Л-теанин, која позитивно влијае на мозокот, зголемувајќи го чувството на смирена будност.
Сепак, има и некои недостатоци на овие два пијалоци. Имено, прекумерното внесување на кофеин може да доведе до анксиозност и намалена потреба за сон. Ако консумирате повеќе кофеин од препорачаната доза, може да ги влошите симптомите на анксиозност и несоница, како и нарушувања на спиењето.
Затоа, подобар избор за луѓето кои патат од несоница или панично растројство би бил зелениот чај. Причината е помалата содржина на кофеин, но и поради тоа што содржи аминокиселина Л-теанин, која делува смирувачки. Од друга страна, кафето би било посоодветен избор доколку барате зголемена будност или подобрена физичка активност.
