Суфле или лава колач е совршено задоволство на кое никој не може да одолее и обично се прави во мали калапи за мафини. Но, да бидеме искрени, кому му е доста од една или две колачи? Затоа ви подготвивме рецепт за лава колач кој се истура во голем калап, а исто толку лесно се подготвува.
Потребни состојки:
- темно чоколадо 150 гр
- млечно чоколадо 100 гр
- путер 150 гр
- кафеав шеќер 130 гр
- брашно 70 гр
- 4 јајца
Начин на подготовка:
Истурете го шеќерот во садот, а потоа додадете ги јајцата и сè добро измешајте. На пареа растопете ги путерот и темното чоколадото, па полека сипете ги јајцата и шеќерот со постојано мешање. На крајот додадете го брашното и сè убаво измешајте. Калапот за торта обложете го со хартија за печење, па истурете ја смесата, но оставете малку (половина) и за подоцна. Ставете сè во замрзнувач 20 минути, а потоа на средина од смесата ставете ги млечните чоколадни коцки, па покријте ја со смесата што ја оставивте на страна. Се пече во загреана рерна 35 минути на 160 степени.
