Денеска ви донесуваме еден едноставен, а неверојатно вкусен рецепт за домашна мусака што ни го привлече вниманието на Instagram. Под видеото може да видите чекор-по-чекор подготовка, а рецептот е навистина идеален за брз и домашен ручек.
Потребни состојки:
- 1 морков
- 1 главица кромид
- Малку масло
- 300-400 g мелено месо
- Сол, бибер, вегета, црвен пипер
- 5-6 компири
- 1 лажица ориз
- Зовриена вода
- 3 јајца
Начин на подготовка:
Подготовка на филот:
Се ренда еден морков и една главица кромид, па се пржат на малку масло. Потоа се додава меленото месо и се пржи додека да добие убава златна боја. Се зачинува со сол, бибер, вегета и црвен пипер.
Редослед во тавче:
Во подлабоко тавче се редат тенко сечени тркалца компири, па врз нив се става филот со месото. Се попрскува една лажица ориз, па уште еден ред компири одозгора.
Печење:
Се прелева со зовриена вода – само колку да ги покрие компирите.
Се пече на 220°C околу 50 минути, додека компирите убаво да заруменат.
Финален чекор:
Се додаваат 3-4 матени јајца и се враќа во рерна уште 5 минути.
Резултатот?
Мека, миризлива и кремаста мусака што се топи во уста. Домашна класика што секогаш успева!
Рецептот е преземен од Instagram – видеото со подготовката можете да го погледнете подолу.
View this post on Instagram
