Во рамките на проектот „Зелена иднина: од градинка до училиште“, компанијата dm drogerie markt продолжува со активности за раззеленување и уредување на училишните и градинските дворови, реализирани во партнерство со Македонското еколошко друштво (МЕД).
Нови акции во март
На 23 и 27 март беа спроведени пошумителни активности во:
- Гимназијата „Гоце Делчев“ – Куманово
- Градинката „Детска радост“ – Гевгелија
При што беа засадени вкупно 133 садници.
Акциите се одвиваа во позитивна атмосфера со активно учество од учениците и децата, поддржани со стручните едукативни предавања од експерти на МЕД.
Резултати од проектот
По успешната прва фаза во септември 2025 година, кога беа раззеленети четири училишни двора со над 500 садници, оваа година се продолжи со активности и во:
- ООУ „Маршал Тито“ – с. Банско, Струмица
- ООУ „Андреја Савевски – Ќикиш“ – Тетово
Таму беа засадени уште 160 садници, а циклусот на активности продолжува и понатаму низ државата.
Едукативна димензија
Проектот има силна еколошка и воспитна компонента – најмладите се мотивираат да развиваат грижа и свест за природата и зелените површини.
Конкурсот е отворен
Конкурсот е наменет за државни и општински:
- основни училишта
- средни училишта
- градинки
Рокот за пријавување е 31.8.2026.
Пријавувањето се врши преку онлајн формуларот на платформата „Заедно едни за други“.
