Бурек со месо со готови кори: Тајната е во една состојка, а вкусот е совршенство!

Тајната на добриот домашен бурек, направен по традиционален рецепт, лежи во количината на кромид што се додава во филот.

Бурекот со многу кромид има уникатен и богат вкус што многумина го обожаваат. Кромидот го балансира вкусот на меленото месо, создавајќи совршенство во секој залак.

Потребни состојки:

• 600 г мелено мешано месо
• 1 јајце
• 600 г готови кори
• 2 средно големи главици кромид
• масло

Начин на подготовка:

1. Ситно исечкајте или изрендајте го кромидот. Во тава загрејте малку масло и пржете го кромидот заедно со меленото месо додека не омекнат и не добијат лесно златна боја.
2. За време на пржењето, додајте сол и зачини по вкус. Откако ќе го тргнете од огнот, измешајте го едното јајце во смесата.
3. За преливот, измешајте 3 лажици масло и половина чаша минерална или обична вода.

Процедура:

1. Земајте по две кори. Не ги премачкувајте, туку само полевајте ја горната кора со подготвениот прелив.
2. На површината на составените две кори додајте малку од филот, а потоа покријте ги со следните две кори. Повторувајте ја постапката сè додека не наредите 7 слоеви (14 кори) за една тепсија.
3. Важно е корите да се редат една врз друга.
4. Премачкајте го бурекот со остатокот од преливот и ставете го во претходно загреана рерна.
5. Покријте го со алуминиумска фолија и печете 40 минути на 170°C. Потоа тргнете ја фолијата и печете уште 5 минути за бурекот да добие златна боја.

Кога бурекот ќе биде готов, извадете го од рерната и покријте го со кујнска крпа за да остане мек.

Добар апетит!