Медот е вистински природен деликатес. Добро оди со овошен чај и има бројни здравствени придобивки. Сепак, треба да се користи умерено.
Приказната за создавањето на медот им е добро позната на повеќето. Знаеме дека е природен производ на пчелите кој е важен како храна бидејќи содржи шеќери, но и други хранливи материи кои ни се потребни.
Иако конзумирањето мед не ја познава сезоната, тој најчесто се јаде во зима, со чај, а многумина го користат и за зајакнување на имунитетот. Една лажица мед содржи околу 60 калории и приближно 17 грама јаглени хидрати.
Медот всушност е полн со шеќер, па затоа треба да се консумира умерено. Сепак, тој е поздрав од рафинираните шеќери кои се наоѓаат во зашеќерените пијалоци и слатките. Тоа е затоа што медот е богат со растителни соединенија кои го поттикнуваат здравјето.
Некои истражувања покажуваат дека медот во умерени количини може да го намали ризикот од дијабетес и срцеви заболувања, а познато е дека е добар за цревата. Еве неколку причини за тоа зошто треба да го вклучите медот во вашиот секојдневен живот:
Богат е со антиоксиданси
Медот (минимално обработен) содржи важни и здрави растителни соединенија и антиоксиданси како флавоноиди и фенолна киселина.
Антиоксидансите се пожелни бидејќи можат да спречат предвремено стареење, срцеви заболувања и дијабетес тип 2. Многу од здравствените придобивки од медот доаѓаат токму поради антиоксидансите.
Тој е поздрав од „обичниот“ шеќер
Иако е богат со шеќер, антиоксидансите во медот не штитат од метаболички синдром и штетното дејство на рафинираниот шеќер. Истражувачите откриле дека медот може да го зголеми нивото на адипонектин, хормон кој го намалува воспалението и ја подобрува регулацијата на шеќерот во крвта.
Сепак, треба да се напомене дека за овие предности, треба да изберете од докажани производители, оние кои не се разредуваат. Генерално, медот може да биде добра алтернатива за слатките, но не претерувајте.
Може да го подобри здравјето на срцето
Умереното консумирање мед може да спречи срцеви заболувања. Истражувањата покажуваат дека медот може да го намали крвниот притисок, да го подобри нивото на масти, да ја регулира работата на срцето – сето тоа придонесува за здравјето на овој важен орган.
Покрај тоа, оваа храна најчесто содржи прополис, а токму прополисот може да го подобри нивото на холестерол и триглицериди. Сепак, оваа област е недоволно истражена, но сè укажува на фактот дека една лажичка мед со чај, или нешто друго, не може да ви наштети.
Може да ја смири кашлицата
Многу сирупи против кашлица содржат токму мед, но можеби не е лошо да се консумира мед за да се спречи настинка, но и за време на вируси.
Науката потврдила дека медот е корисна намирница која може да го забрза закрепнувањето од настинка (со конзумирање топли напитоци) и дека добро влијае на инфекциите на горниот респираторен тракт.
Уште повеќе, се тврди дека медот смирува и го подобрува квалитетот на сонот, па сега е време да ги видите неговите придобивки.
Лесно е да се вклучи во секојдневниот живот
Покрај сите овие придобивки, одличната работа кај медот е тоа што лесно се додава во храната и пијалоците. Наместо шеќер изберете мед, а со оваа природна храна можете да засладите разни пијалоци од овошни чаеви до кафе.
Можете да го консумирате и како доза сладост, но не претерувајте, придржувајте се до една лажица дневно.
