Научниците неодамна спроведоа студија на тема како бојата на гласот влијае на мажите и жените кога е во прашање заведувањето. Резултатите што ги постигнаа беа неверојатни – бојата на гласот, како и начинот на зборување, се дефинитивно најсилното женско средство за заведување на кое паѓаат мажите!
Експертите побараа од кандидатите да бројат од еден до десет со нормален глас. После тоа, истите тие мажи и жени мораа да го повторат дејството, но со различен тон на гласот, односно начинот на кој мислат дека звучи секси и заводливо.
Друга група мажи и жени ги слушале нивните снимки и морале да одлучат кое од горенаведените звучи заводливо, а резултатите се покажале многу интересни.
Жените воопшто не реагираа на обидите на мажите да звучат секси со бојата на гласот (иако ги привлекуваат длабоки гласови), додека на мажите заводливиот женски глас им наиде неверојатно секси.
Подлабок глас е подобро
Научниците објаснуваат дека кога жените сакаат да звучат секси, го спуштаат гласот за да биде подлабок, зборуваат побавно и потивко, што на мажите им е многу попривлечно од нормалниот тон со кој обично зборуваат.
Исто така, тие тврдат дека тоа е всушност природна, инстинктивна реакција, која влијае на мажите како обликот на телото или мирисот на кожата. Следниот пат размислете не само што ќе кажете кога сакате да заведете маж, туку и за бојата на гласот.
