Амо Хаџи, Иранец познат по титулата највалкан човек на светот, почина на 94-годишна возраст.
Како што било наведено, тој не се капел бидејќи се плашел од вода, но на тоа го принудиле и љубовните проблеми. Секогаш мислел дека ќе се разболи после капење и затоа не користел туш цели седум децении.
Но, се чини дека бил во право, бидејќи мештаните наводно пред смртта го принудиле да се избања, но по краток период се разболел и починал.
Амо живеел во иранската пустина, се хранел со месо од мртви животни и пиел пет литри вода дневно. Сакал да пуши, па мештаните често му купувале пури. Тој живеел како бездомник во дупки направени во пустината над селото Дејгах во иранската провинција Фарс.
Мештаните му изградиле колиба, но тој не сакал да живее во неа, а понекогаш само се криел. Според извештаите, тој во младоста доживеал голем љубовен бродолом, поради што станал ваков.
Неговиот живот е документиран во 2013 година во филмот „Чудниот живот на Аму Хаџи“. Сè уште не е утврдено дали тој е светски рекордер за најдолго време без бањање. Се пријавиле уште неколку луѓе, а меѓу нив бил и Индиецот Каилашу Сингу, кој за инает не се бањал повеќе од 30 години.
