Примерок од кит пронајден неодамна на плажа во Нов Зеланд најверојатно припаѓа на најретките видови во светот со заби од лопата, објавија завчера научниците. Никој не знае точно колку примероци има од овој вид, како јадат, па дури и каде живеат во пространствата на Јужниот Пацифик, пренесува АП.
Според извештаите, тоа е можност за научниците да го сецираат и детално да го проучат, а се верува дека станува збор за токму овој тип на кит врз основа на неговите модели, како и формата на черепот и забите.
– Знаеме многу малку, речиси ништо за овие суштества – изјави научникот од Агенцијата за заштита на природата, Хана Хендрикс.
Таа додаде дека ова откритие ќе даде исклучителни научни информации.
Досега се пронајдени само шест вакви китови, а досега пронајдените примероци на плажите во Нов Зеланд не биле доволно зачувани за да се анализираат за ДНК.
Овој пат истражувачите ќе имаат можност детално да го испитаат пронајдениот примерок и ќе соработуваат со локалната заедница на Маори, која го смета китот, таонгата, за свето суштество.
Остатоците од првиот кит од овој вид биле пронајдени во 1872 година на островот Пит во Нов Зеланд.
