Од WhatsApp доаѓа уште една иновација која ќе го подобри корисничкото искуство, особено за одреден дел од корисниците. Оваа опција се однесува на дополнителни потсетници за непрочитани пораки.
Новата функција сè уште не е официјално достапна и моментално се тестира во бета верзијата на апликацијата за уреди со Android. Не е познато кога ќе биде достапна за сите корисници.
Неодамна WhatsApp воведе слични потсетници за нови приказни на луѓе од листата на контакти, а сега имаат намера истата можност да ја прошират и на пораките. Благодарение на оваа новина, оваа апликација повремено ќе ги потсетува корисниците на нови статуси и пораки кои одамна не ги погледнале.
Според досега познатите информации, се чини дека корисниците сами ќе ја активираат оваа опција во поставките на WhatsApp, а не се знае дали овие потсетници ќе се појавуваат само во апликацијата или како класични известувања на екраните на телефоните додека оваа апликација не е во употреба.
Она што исто така не е познато е колку често таквите потсетници за пораки и статуси ќе се прикажуваат или дали ќе се прикажуваат за сите пораки или само за одредени луѓе. На страницата WABetaInfo велат дека алгоритмот ќе прикажува известувања независно од тоа со кого корисниците најчесто комуницираат.
**Потсетување на неодговорени пораки**
Со новата опција, желбата е да се спречат корисниците да пропуштат пораки од нивните најблиски пријатели и членови на семејството, т.е. ако заборават на тие пораки, апликацијата да ги потсети.
Но, ќе биде интересно да се види дали ќе се појават потсетници и за комуникација со деловни партнери, со кои преписката не е толку честа.
Имено, на одредени пазари бројни компании (од банки до телекоми до доставувачи и онлајн продавници како Amazon) комуницираат со корисниците преку WhatsApp, па оваа опција би можела позитивно да влијае на нивниот бизнис, односно комуникацијата со клиентите и корисниците.
Во случај корисниците да ја деинсталираат и повторно да ја инсталираат апликацијата, алгоритмот ќе мора повторно да ги сними интеракциите на корисникот со другите луѓе, а ќе биде потребно време за опоравување, бидејќи тој тип на податоци нема да се копира на серверите.
