Долниот дом на францускиот парламент денеска одобри закон со кој се забранува дискриминација на дредлок, плетенки, афро коса и која било друга фризура со одредена боја или текстура.
Оливие Серва, пратеник од францускиот карипски остров Гвадалупе, кој го подготви нацрт-законот, рече дека тоа ќе им помогне на жртвите на таква дискриминација, на работното место и пошироко, да го слушнат нивниот глас и да добијат правни случаи, објави Ројтерс.
– Има многу страдања (врз основа на дискриминација на косата) и тоа мора да го земеме предвид – изјави тој за британската агенција.
Серва ја наведе студијата од 2023 година на брендот за шампон на Унилевер, Дав и ЛинкдИн, според која две од три Афроамериканки во САД ја смениле фризурата на интервју за работа и дека косата на една Афроамериканка е 2,5 пати поголема веројатноста да биде сфатена како непрофесионална.
Нацрт-законот, кој има за цел да забрани каква било дискриминација врз основа на текстура или фризура, ќе ги заштити и русокосите од сексистичка дискриминација, рече Серва.
Предлог-законот беше одобрен од 44 пратеници, само двајца беа против, додека многу пратеници воопшто не гласаа.
За да стане закон, овој предлог мора да биде усвоен од Сенатот.
Во САД, најмалку 23 држави донесоа закони насочени кон заштита на луѓето од дискриминација на косата на работното место и во јавните училишта.
