Триаголникот на тагата ја доби наградата за најдобар европски филм. Режисер е Рубен Остлунд, а 69-годишниот Буриќ стана првиот хрватски актер кој ја добил престижната награда за најдобар актер во Европа. Инаку, Триаголник на тагата ја освои Златната палма претходно во Кан. Кога Остлунд ја зеде својата награда за најдобар режисер, ја посвети на покојната главна актерка Чарлби Дин, која ненадејно почина во август на 32 години.
„Морам да им се заблагодарам на сите мои пријатели, дури и кога глумевме во театри и филмови во Југославија, секогаш верував во колективната работа“, изјави Буриќ на доделувањето на наградата и му се заблагодари на семејството, пренесуваат странските медиуми.
Од локалните актери досега за европскиот Оскар се номинирани Горан Богдан и Зринка Цвитешиќ.
За наградите, кои се одржаа во концертната сала Харпа во главниот град на Исланд, Рејкјавик, гласаа 4.400 членови на Европската филмска академија (ЕФА), а по две ковид години без публика, церемонијата беше гала со 1.200 гости.
