Прескокни до содржината

Вторник, 17 ноември 2026

Маркетинг
Реклама
Најнови

Вашето куче често ви ја става шепата? Еве што сака да ви порача

Кучињата, нашите верни пријатели, наоѓаат различни начини да комуницираат со нас, а понекогаш треба да откриеме што се обидуваат да ни кажат. Дали сте се запрашале што значи кога кучето ја става шепата врз вас?

Реклама
IMG_20261104_145921_204

Лаењето е највообичаениот начин на комуникација кај кучињата, но што всушност значи кога ве допираат со шепа? На ова прашање одговара ветеринарката Сара Вутен.

Вашето куче често ви ја става шепата

– Кучињата често користат шепи за комуникација, а причината за тоа е што ние сме ги научиле на таквото однесување. Кога кучето ќе ја подаде својата шепа, сопственикот обично реагира позитивно и го наградува, што го охрабрува ова однесување – објаснува Вутен.

На овој начин, кучето изразува задоволство, особено ако тоа го прави додека го галите – сака да покаже дека му е убаво и дека треба да продолжите. Ако престанете со галењето, кучето може да ја стави шепата врз вас како знак дека сака да не прекинувате.

Исто така, кога забележуваат дека нивниот сопственик е нерасположен, кучињата често со овој гест сакаат да пренесат порака дека сè ќе биде во ред.

– Со тоа како да ви кажуваат дека разбираат низ што поминувате и дека работите ќе се подобрат. Овој гест е израз на љубов и грижа. Сепак, некогаш може да значи и дека кучето не се чувствува добро. Преку говорот на неговото тело можете да препознаете дали станува збор за радосен гест или за сигнал за помош. Ако е второто, кучето нема да бара награда, туку ќе сака да почувствува удобност и сигурност – додава ветеринарката.

Споделете:
Реклама

Најнови на Турлитава

Реклама
IMG_20261104_145928_566