Најновите анализи покажуваат дека Samsung со моделот Samsung Galaxy S26 Ultra направил голем чекор напред кога станува збор за поправливост на уредите, што особено ќе ги израдува застапниците на „правото на поправка“.
Според тестовите спроведени од iFixit, најголемата промена се однесува на батеријата. Наместо претходното лепење кое ја отежнуваше замената и често бараше дополнително загревање, новиот модел користи поедноставен механизам кој овозможува брзо и безбедно вадење на батеријата.
Овој потег доаѓа како одговор на сè построгите еколошки прописи, особено од Европската унија, кои ги поттикнуваат производителите да прават подолготрајни и полесно поправливи уреди.
Предностите се очигледни
Сервисирањето е значително побрзо, ризикот од оштетување е помал, а самиот телефон може да трае подолго благодарение на полесната замена на клучните компоненти. Важно е и тоа што овие промени не влијаеле на премиум карактеристиките – уредот ја задржува робусната изработка и отпорноста на вода и прашина.
Иако и Apple и Google работат на подобрување на поправливоста на своите уреди, Samsung моментално делува како лидер во овој сегмент меѓу најмоќните модели.
