Познатата песна од филмот „Титаник“, „My Heart Will Go On“ ја изведува познатата канадска пејачка Селин Дион. Песната, како и филмот, доживеа огромна популарност.

Селин по настапот доби бројни награди, а оваа песна ја прослави и ја турна меѓу ѕвездите. Таа беше наградена со оскар за најдобра оригинална песна, доби Златен глобус, Греми во 3 различни категории како и Сателитска награда.
Она што е интересно е што Селин првично не сакала да ја снима оваа песна.
„Не се чувствувам добро! Ме боли стомак…“ изјавила тогаш пејачката за да го избегне снимањето на овој хит.
https://www.youtube.com/watch?v=3gK_2XdjOdY
Песната од филмот е снимена во еден обид, а подоцна таа демо снимка е објавена како сингл. Сè е поради менаџерот и сопруг на пејачката Рене Анџели, кој успеал да ја убеди да сними демо верзија.
Песната раскажува за љубовната приказна што се случила меѓу Роуз и Џек. Траката е многу емотивна и ја опишува тажната судбина што ги снајде главните ликови на филмот „Титаник“..














