Марго Роби откри дека не била првиот избор за улогата на Барби.
Актерката, која е и една од продуцентите на филмот, неодамна за „Вог“ изјавила дека таа и режисерката Грета Гервиг сакале Гал Гадот да ја глуми Барби, но дека тоа не е можно поради напорниот распоред, пренесува NME.
– Гал Гадот е енергијата на Барби. Таа е неверојатно убава, но не ја мразите затоа што е толку искрена и љубезна – изјавила Марго Роби.
Во меѓувреме возврати и израелската актерка која рече дека е почестена што и е понудена улогата на Барби иако морала да ја одбие.
– Ја обожавам Марго. Таа е една од оние жени со кои сакате да бидете пријатели. Таа е смешна, духовита, паметна и очигледно многу талентирана. Би сакала да работам со неа и трогната сум од она што таа го кажа за мене. Многу сум возбудена за неа и за филмот „Барби“ – истакна Гал Гадот.
