МАГАЗИН

Мадона тужена од обожавателите поради доцнење на концерт

Минатиот месец двајца обожаватели на Мадона ја тужеа пејачката дека доцнела повеќе од два часа на концерт во Њујорк

Мајкл Фелоус и Џонатан Хејден поднесоа тужба против Мадона бидејќи доцнела два часа на три концерти во три дена по ред. Во судските документи стои дека „немаше да ги платат билетите да знаеја дека концертот ќе започне толку доцна“, пишува Би-Би-Си.

Мадона

„Многумина кои присуствуваа на концертите, кои се одржуваа во работните денови, мораа да станат рано за да одат на работа и да се грижат за своите семејни обврски следниот ден“, стои во документите.

Тие ги тужат промоторот „Live Nation“ и местото „Barclays“, каде што се одржа концертот, поради „лажно рекламирање, несовесно претставување и нефер заводливи трговски практики“.

„Обвинетите не дадоа никакво известување дека концертите ќе започнат многу подоцна, што резултираше со долги редици обожаватели пред вратата“, се наведува во поднесокот, а господата Фелоус и Хејден бараат соодветна отштета.

Ова не е прв пат фановите да ја критикуваат пејачката дека доцни на концертите. Во 2019 година, еден обожавател од Америка поднел тужба против пејачот поради доцнење на концертот, но тој доброволно ја повлекол тужбата еден месец подоцна, пишува „ABC News“.

Истата година, Мадона сподели објава во која на фановите во живо на сцената им порача: „Морате да разберете нешто, а тоа е дека кралицата никогаш не доцни“.

Facebook коментари:

Leave a Reply

Back to top button
close