Годината во која сме родени, велат нумеролозите, има многу значајна улога за понатамошниот тек на нашиот живот, а сепак последната цифра е најзначајна. Врз основа на неа може да се определи карактерот, судбината и патот што ни го одредил животот.
Секој број има соодветен елемент, имено метал, оган, земја, дрво и вода. Ако, на пример, сте родени во 1990 година, вашиот број е нула, а неговиот елемент е Метал.
Ова се значењата за секој број:
Броеви нула и еден – елемент метал
Тоа се луѓе со силен и цврст карактер и многу отпорни. Тие непогрешливо знаат што сакаат и ќе направат се за да ги остварат своите амбиции и цели, а според нумерологијата, на патот им оди и голема среќа.
Тие се предодредени да постигнат големи нешта во животот. Тие се слободоумни, живеат само по свои правила. Тие се стремат кон доследност во љубовта.
Броеви два и три – елемент вода
Тоа се луѓе кои покажуваат емпатија и сочувство многу повеќе од другите. Имаат жива имагинација и се многу снаодливи. Тие се многу успешни во професиите кои имаат врска со јавно говорење.
Тие се одлични лидери, мотиватори и тренери. Имаат силен инстинкт и одлично ги забележуваат деталите. Овој квалитет често им помага во животот лесно да излезат од најтешките ситуации.
Броеви четири и пет – елемент дрво
Најистакнатите карактеристики што ги красат се самодовербата и трудољубивоста. Оригинални се, секогаш сакаат нови искуства, веруваат во други светови, па се трудат да ги откријат сите тајни и загатки, што на многу луѓе им изгледа дури и бизарно.
Тие не ги знаат концептите на себичност и егоизам, па другите луѓе ги обожаваат, што многу ги радува. И тие се родени авантуристи, но и со нив никогаш нема досаден момент. Овие луѓе се родени за да внесат радост во туѓите животи.
Броеви шест и седум – елемент оган
Луѓето родени под елементот на оган сакаат да патуваат. Сонот на повеќето од нив е да патуваат низ должината и ширината на планетата, а со малку труд оваа желба лесно ќе се оствари. Недостаток е што многу брзо влегуваат во нови врски и прифаќаат нови работи, без да размислуваат дали им се потребни.
Поради ова, многумина ги гледаат како површни. Сепак, тие се љубезни, природни и знаат како да ги привлечат луѓето и да ја добијат нивната доверба. Тие се родени за работи кои вклучуваат чести патувања и контакти со луѓе.
Броеви осум и девет – елемент земја
Овие луѓе се полни со самодоверба и одлучни во се што прават, ретко што може да ги поколеба. Сепак, тие ги носат овие одлуки многу промислено и разумно. Дисциплина е нивното второ име, го сакаат редот и живеат според нивните правила и планови.
Она што им е мана е стравот од непознатото. Тешко излегуваат од зоната на удобност и прават се во животот според однапред утврден план. Кај нив сè мора да биде „право“. Тие се доста авторитетни, па лидерските позиции им доаѓаат природно.
