Познато е дека меѓу состојките кои ги имаме во кујната има многу кои се користат во служба на убавината, а меѓу нив се и јајцата. Протеините во јајцата се одговорни за стеснување на порите, но и за регенерација на кожата. Тие исто така ја поддржуваат регенерацијата на клетките на кожата, што ги намалува брчките на долг рок.
Јајцата можат да бидат ефикасни и против мозолчиња на лицето, бидејќи содржат и ензим наречен лизозим, кој ги таргетира бактериите кои предизвикуваат акни.
Покрај тоа, тие се богати со калиум и магнезиум кои ја негуваат и хидрираат кожата, што го забавува стареењето и го прави тенот сјаен. Друга предност на оваа храна е тоа што содржи и рибофлавин, кој е одговорен за исфрлање на токсините и слободните радикали кои ги оштетуваат клетките на кожата.
Колагенот и витаминот А, кои се наоѓаат и во јајцата, докажуваат дека јајцата се богати со хранливи материи.
Домашна маска за лице од белка од јајце и лимон
Изматете ја само белката од едно јајце, додека не добиете пена. Потоа додадете го сокот од половина лимон и измешајте. Нанесете ја маската на лицето и оставете ја 30 минути. После тоа, измијте ја маската со топла вода, а потоа нанесете хидратантна крема или крема против брчки.
Оваа маска делува како природен „лифтинг на лицето“ бидејќи ја затегнува кожата и малку ја подигнува. Воедно, овие две состојки во комбинација имаат зголемен ефект против вишокот на себум, а со тоа длабински ја чистат кожата.
