Луѓето кои имаат проблем со мигрена знаат колку таа болка може да биде неподнослива и колку може да го попречи секојдневното функционирање. Мигрената нè забавува во се, а понекогаш не помагаат ниту лекови против болки. Еве неколку докажани совети кои ќе ви помогнат во борбата против мигрената.
1. Хималајската кристална сол во комбинација со лимон е ефикасна во борбата против мигрената, иако нема ни најмалку пријатен вкус. Исцедете сок од два лимона, изрендајте малку кора од лимон и додадете 1 лажичка хималајска сол. Добро измешајте и потоа додадете 2 dl вода. Промешајте го напитокот и пијте. Иако има непријатен вкус, тој е многу ефикасен напиток. Веќе по 5 до 10 минути мигрената ќе престане. Доколку имате проблеми со висок крвен притисок, пред да се одлучите на овој чекор, обратете се кај вашиот лекар за да добиете професионално мислење.
2. Јаболковиот оцет се користи за различни намени, а се покажал и како ефикасен лек во борбата против мигрената. Потребно е да се разредат 3 лажици јаболков оцет во чаша млака вода. Додадете му една лажица мед и испијте го. Ако го применувате ова секое утро, можно е мигрената целосно да исчезне. Вдишувањето на мирисот на јаболков оцет исто така може да биде корисно. Ефектот што го произведува е сличен на лековите за брзо олеснување на болката.
3. Рузмаринот не само што овозможува ослободување од симптомите на мигрена, туку и го спречува нејзиното појавување. Подгответе го чајот од рузмарин така што ќе помешате 200 ml зовриена вода со лажичка сув рузмарин. Оставете да отстои 10 минути и потоа процедете и испијте. Овој чај можете да го консумирате најмногу 2 пати на ден. Освен што ја ублажува мигрената, овој чај ја подобрува концентрацијата и меморијата. Помага и при хроничен замор и создава дополнителна енергија.
4. Лененото семе содржи Омега-3 масни киселини, благодарение на кои се намалуваат воспалителните процеси во организмот. Како резултат на тоа, интензитетот на болката што ја придружува мигрената е намален. Тие исто така ја подобруваат функцијата на мозокот и го намалуваат ризикот од кардиоваскуларни болести. За да спречите мигрена, треба да измешате лажичка мелено ленено семе со една банана, 2 портокали, 250 мл кокосово млеко и 2 чаши сечкани листови кељ. Сето тоа изблендирајте го и пијте го секогаш кога ќе почувствувате главоболка за да не се претвори во мигрена.
5. Коренот од ѓумбир многу успешно делува кај хроничните главоболки кои често се повторуваат. Најчесто се користи како средство за сузбивање на мигрената, но поради неговите лековити својства има широка примена. За да ја ублажите или потиснете мигрената со ова растение, треба да прелиете лажичка ѓумбир во прав со 250 мл врела вода. Почекајте да се излади и потоа исцедете половина лимон во него и испијте го.
6. Компонентите кои се наоѓаат во валеријаната имаат седативно дејство и го релаксираат целиот организам. Како резултат на тоа, мускулите и напнатите крвни садови се релаксираат, што доведува до олеснување. Потребно е да капнете 20 капки валеријана на коцка шеќер и оставете шеќерот полека да се стопи во устата. Освен што ја ублажува мигрената, валеријаната помага и при исцрпеност, стомачни проблеми и истовремено го ублажува стресот.
7. Секој пат кога телото е дехидрирано, тоа може да биде навестување на мигрена. Редовното внесување течности го намалува интензитетот на главоболката. Ако мигрената настанала поради недостаток на течност, пијте колку што е можно повеќе вода во мали голтки.
8. Облоги од свежа зелка – Во борбата против мигрената се препорачуваат цели листови свежа зелка. Разредете еден лист зелка (по можност со сукало) и потоа ставете го на челото. Со оглед на тоа дека многу брзо ќе се загрее, чувајте готови уште неколку листови зелка кои наизменично ќе ги ставате како премаз. Овие облоги сигурно ќе ви ја ублажат мигрената и многу е можно таа целосно да исчезне.
Доколку чувствувате дека страдате од мигрена, се надеваме дека овие горенаведени совети ќе ви ги олеснат маките. Не мора веднаш да купувате лекови. Прво, пробајте ги природните лекови кои ви се достапни и кои ќе ви овозможат итно олеснување. Тие секако можат превентивно да делуваат и на тој начин да ја спречат појавата на мигрена во иднина.
