Палачинките се совршен избор кога сакате нешто слатко или солено, а еве како да ги направите на малку поздрав начин без брашно.
Палачинките се ефтин деликатес кој се подготвува насекаде низ светот, а состојките обично секогаш ги имаме дома. Секој знае како да ги направи, но сепак постојат трикови кои ќе ви помогнат секогаш да испаднат совршено. Еве уште еден одличен совет, а тоа е да направите палачинки без брашно.
Тоа обично значи користење овесна каша или банани, но доколку не сакате да експериментирате, наш предлог е брашното да го замените со гриз. Освен што палачинките со гриз се повкусни од оние со брашно, ќе бидат и покрцкави.
Потребни состојки:
- 2 јајца
- 250 гр гриз
- 1 чаша млеко
- 2 лажици шеќер
- прстофат сол
- 1 лажичка сода бикарбона
Начин на приготвување:
Во сад изматете ги јајцата со шеќерот, а потоа истурете млеко и сол. Додадете гриз и сè убаво измешајте со миксер. Покријте со проѕирна фолија и оставете го да отстои половина час во фрижидер. Потоа во смесата истурете сода бикарбона и измешајте. Пржете ги палачинките како и обичните.