Со доаѓањето на пролетта, природата се буди, но многумина од нас се чувствуваат уморни, ненаспани… Наместо енергија и ентузијазам, нѐ обзема замор, поспаност и недостиг на мотивација. Овој феномен е познат како пролетен замор, иако не е медицински призната состојба, голем број луѓе навистина го искусуваат.
Најчести симптоми на пролетен замор:
- Постојан замор и безволност, и покрај доволно сон
- Недостиг на концентрација и фокус
- Раздразливост и променливо расположение
- Главоболки или чувство на тежина во телото
- Намален апетит или пак зголемена желба за шеќер
Причините најчесто се поврзани со промените во температурата, продолгувањето на денот, хормоналната нерамнотежа (особено мелатонин и серотонин), како и адаптацијата на телото кон новиот биоритам.
Како да ги ублажиш последиците и да ја вратиш енергијата?
Излези на сонце
Дневната светлина го поттикнува лачењето на серотонин – хормонот на среќа и енергија. Обиди се секој ден да поминеш барем 20-30 минути на свеж воздух.
Јади балансирано
Внесувај повеќе свежо овошје, зеленчук и лесни оброци богати со витамини и минерали. Намали го внесот на шеќери и преработена храна.
Пиј многу вода
Дехидрацијата лесно може да доведе до чувство на замор. Чаша вода веднаш по будење е одличен старт на денот.
Редовна физичка активност
Дури и кратка прошетка или лесно вежбање секој ден може значително да го подобри расположението и енергијата.
Спиј доволно, но не премногу
Одржувај редовен ритам на спиење. И премалку и премногу сон можат да предизвикаат чувство на летаргија.
Пролетта е симбол на нови почетоци – не дозволувај заморот да ти ја одземе енергијата. Со мали, но паметни чекори, можеш да го побараш максимумот од ова убаво годишно време!
