Џемот често се користи во балканската кујна, а можете да го намачкате на палачинки или да направите колачи, торти и сл. Секако, домашното има подобар вкус отколку купеното во продавница, а сега е вистинското време да го направите. Можете да го користите секое овошје што го сакате бидејќи сега е сезона, па одберете го она што најмногу ви се допаѓа и почнете да се подготвувате.
Правењето џем не е комплицирано, но потребно е малку време, особено ако правите големи количини. Но, крајниот производ е вреден за напорот. Кошмар на секоја домаќинка е кога ќе види мувла на својот џем.
Наместо да го фрлите џемот, постои едноставно решение кое многумина го пробале. Додека го готвите, додадете лимонска киселина и џемот нема да се расипе. За 1 кг овошје користете третина од лажичка лимонска киселина. Се додава 5 минути пред крајот на готвењето.