Покрај тоа што индиректно придонесува за виткост, потењето има влијание врз нашето здравје на многу други начини. И покрај сите непријатности поврзани со мирисот, потењето е многу важно за нашето целокупно здравје, еве на кој начин:
Придонесува за виткост
Потта сама по себе не предизвикува слабеење, но активностите кои го поттикнуваат потењето, како трчање, вежбање, танцување и слично, ја поттикнуваат работата на метаболизмот, поради што луѓето побрзо ги губат масните наслаги, кои се користат како енергија во засилената работа на телото.
Го подобрува тенот
Сеопфатен начин да се постигне одличен тен и здравје е преку здрави дози на пот од физичка активност. Потта е резултат на вежбање или било каков физички напор кој го зголемува пулсот и со тоа и циркулацијата, поттикнувајќи го сјајот и малото црвенило на кожата.
Потењето бара и поголем внес на вода, што е корисно за организмот. Иако самата пот не влијае директно на убавата кожа и тен, поврзаните активности кои водат до здраво потење влијаат.
Го чисти телото
Човечкото тело е способно да исфрли токсини само преку органи како што се бубрезите и црниот дроб. Истражувањата покажаа дека телото исфрла голема количина на токсини преку потта, а истовремено отстранува и некои тешки метали како жива, олово, кадмиум и арсен од телото.
Го намалува стресот
После секое вежбање, добар тренинг или сауна, често има придружно чувство на релаксација или еуфорија. Тоа се должи на зголемувањето на нивото на ендорфин во организмот, што влијае на доброто расположение.
Истражувањата веќе ги покажаа ефектите на стресот врз човечката психа и физичката состојба, а тоа е нешто што не може да се игнорира. Постојат и други начини за намалување на стресот, како што се медитација, пишување дневник и вежби за дишење, но активностите кои ве поттикнуваат да се потите и да го забрзате пулсот имаат повеќекратни придобивки.
Ја ублажува болката
Потењето го зголемува протокот на крв во мускулите, што го намалува времето за опоравување од повреди или мускулна тензија. Топлината на влажната сауна може да има смирувачки ефект врз телото додека мускулите се релаксираат.
Лековитите билки и есенцијалните масла, како што се еукалиптус, роза и лаванда имаат антиинфламаторни својства, па понекогаш се користат со топлина и потење за да се намалат болките во мускулите и зглобовите.