Многу луѓе зборуваат во сон без да го сфатат тоа, додека некој од околината не им го каже тоа. Се смета дека е безопасна појава, а најчесто се случува како последица на стрес.
Во врска со ова, научниците спровеле интересна студија за тоа кој е најчестиот збор што луѓето го кажуваат додека зборуваат во сон. Имено, научниците веруваат дека зборувањето во сон се одвива во фазата на РЕМ спиење, кога има поголеми шанси за интензивни и емотивни соништа.
Поголемиот дел од зборовите изговорени за време на спиењето се негативни, па дури и прилично вулгарни, покажува француската студија објавена во списанието Sleep.
На веб-локацијата наречена Sleep Talk Recorder, луѓето поставуваа снимки од она што го кажуваат додека спијат. На речиси 10 проценти од снимките имало пцовки. Но, еден збор сепак скока од сите и тоа не е пцовка, туку зборот „Не“.